Búin að færa bloggið mitt inn á  http://www.alfur.blog.is  í bili allavegana

M

Gleðilegt sumar!

...og enga vinnu búin að fá ennþá.
Er orðin nett stressuð að fá ekki vinnu fyrir sumarið en ég er búin að senda slatta af umsóknum og fengið viðbrögð við tveimur, annað tilvikið var að ekki vantar starfsmann, og hitt var að umsóknin er í skoðun og bíð ég bara eftir svari hvort ég fái að koma í viðtal, en það er á stórri verkfræðistofu í Rvík. Það væri auðvitað alveg æðislegt að komast þangað, þannig að nú verða bara allir að krossa fingurna fyrir mig.

Páskarnir voru fljótir að líða og bjóst ég við að páksaeggin myndu hverfa jafn hratt en nei nei, það er ennþá til um það bil hálft tonn uppí skáp sem mun væntanlega endast fram á sumar...nú og ef að illa gengur að borða það þá gæti maður bara notað það í heitt súkkulaði um jólin yeah right!
Annars voru páskarnir yndislegir, fórum í Húsdýragarðinn með Emelíu Ósk og Ella og co komu með okkur, svo var matarboð hjá ömmu á Selfossi og borðuðum á okkur gat þar, enda er kalkúnninn hennar ömmu sá allra besti sem hægt er að fá! 
Emelía var svakalega dugleg að borða kalkún að ég hélt nú bara að svona lítið barn gæti ekki borðað svona mikið. Við gistum í laufhaganum í góðu yfirlæti og stelpurnar nutu þess að leika við ömmu og afa.
Hún naut sín vel um páskana í kringum allar ömmurnar og afana, en hún skellti sér svo á skírdag í langan göngutúr með ömmu sinni og afa í Klukkuberginu og leit ekki við kerrunni sinni, heldur labbaði sjálf alla leiðina til langömmu sinnar sem býr hérna annarsstaðar í bænum, og það er nú góður spotti þangað! Duglegust

Skelli inn mynd af litla bjútíinu mínu með myndavélasparibrosið sitt

 Millý

Við skulum nú bara byrja á laugardagskvöldinu.
Kristján fór í bæjinn um miðnætti að hitta vinnufélagana sem voru að hittast á einum bar.
Þegar hann kemur til baka ca 3 tímum seinna, er búin að rústa framrúðunni á Toyotunni, semsagt berja í hana með einhverju þungu barefli á tveimur stöðum farþega megin og er rúðan alveg í maski þeim megin. það sem heldur henni saman er filman sem er inni í rúðunni. Reyni að skella inn mynd af þessu fljótlega.

Svo er nú meira sem gerðist sem ég er svooo hissa á að ég bara næ ekki upp í nebban á mér, en ég ætla nú ekki að skella því fram hér, þið verðið bara að halda áfram að vera forvitin, en trúið mér, það er nú bara með því fáránlegra sem ég hef heyrt hahaha
Spurning um vantraust og fljótfærni aldarinnar hér á ferð.

Svo er það freysting dagsins. Hérna fyrir framan mig stendur 1400 gramma risa páskaegg, sem að elskulegur unnusti minn á, og það er akkúrat EKKERT sem ég get gert, nema bara HORFA á það fram á sunnudag! Illa gert!

Namminammigrísinn M lætur í sér heyra síðar

Nú er bara EITT ár í þrítugsafmælið!
Langar að óska foreldrum mínum sérstaklega til hamingju með daginn! Núna veit maður sko alveg hvað þau voru að upplifa fyrir 29 árum síðan

Millý

Nú er það endanlega ákveðið að við ætlum til Danmerkur í sumar. Var að panta flug í gær og gistingin er klár þannig áð nú er bara að bíða
Hlakka rosalega til, gaman að fara með Emelíu Ósk í skemmti og dýragarða, ströndina og svo auðvitað VERSLAAAA.
Við ætlum líka að ferðast aðeins, hugmyndin er að fara til Odense og Arhus, og kanski eitthvað meira en við gistum í Köben.
Hef ekki farið út síðan ég var ólétt af Emelíu Ósk og alveg kominn tími til að fara. Hef reyndar ekki farið til Danmerkur síðan ég var 14 ára og það var bara í "dagsferð" því að ég flaug þangað og stoppaði í nokkra klukkutíma en silgdi svo yfir til svíþjóðar þannig að ég hef aldrei náð að skoða mig neitt þarna um, nema stutt stopp í Tívolíinu þennan dag og svo bara búið.

Skólinn er svo að verða búinn, ekki nema rúmur mánuður eftir og páskafríið inná milli, fáránlega fljótt að líða, og ég að verða árinu eldri eftir 3 daga....bara rúmt ár í þrítugt..úff úff...
Fæ alveg fiðring þegar ég hugsa 10 ár aftur í tímann þegar maður var á djammskeiðinu, skrall í Inghól, rúnturinn á kvöldin, endalaust fjör...finnst svo stutt síðan en nú er ekkert kæruleysi lengur, alvaran tekin við

 Millan

Ég held ég verði nú bara að vera svolítið montin af sjálfri mér núna.
Mér hefur nú bara aldrei á ævi minni gengið eins vel í skóla!
Ég er búin að vera að taka stöðupróf og skila inn verkefnum og hópritgerðum og af öllum þessum verkefnum og prófum, (fyrir utan stærðfræði ) er ég búin að fá frábærar einkunnir!

Í tölvuteikningu hef ég bara fengið EINA einkunn undir 9 ! og það var 8.8 fyrir algjöra klaufa villu, báðar ritgerðirnar hafa verið yfir 9 og í grunnteiknungu, báðum fögum hef ég fengið allt 9 eða yfir, og það er bara vonandi að það haldi þannig áfram

Það eru valdagar framundan í skólanum og ég er að reyna að gera það upp við mig hvort ég ætli að reyna að ná að útskrifast eftir ár, Vor 2008 eða jólin 2008.
Ef ég ætla að klára eftir ár þá þarf ég að taka 24 einingar á önn sem er slatti mikið, veit ekki hvort að það sé sniðugt sérstaklega út af Emelíu, en ef ég tek "fullan skóla" 19 einingar þá á ég bara 10 einingar eftir síðustu önnina og það er ekki einusinni lánshæft. Verst að geta ekki tekið þetta í sumarskóla líka, þá myndi ég skella mér í það.

En svo út í annað, þá var Emelía Ósk að fá rör í eyrun í síðustu viku, og stóð sig alveg eins og hetja litla skottan mín. Ég er alveg endalaust stolt af henni.
Hún er byrjuð að tala alveg heilan helling og skammast á móti ef ég skamma hana eitthvað (þá sérstaklega ef hún stendur uppi á stofuborði) Þá bendir hún á gólfið og gargar: Nidut, já nidut, núna!!! Bara fyndið!

Svo er hún orðin ótrúlega dugleg að syngja, syngur Allir krakkar og gamli nói endalaust, og svo þegar hún er spurð hvað hún heiti, þá segir hún: Emíja Okk Dittjadotti, og pabbi heitir Dittjan og mamma sín líka En hún segir Millý þegar henni er sagt það
Það er greinilegt að pabbinn er uppáhalds

Vá garnirnar farnar að garga á mig, verð að fá mér smá að borða og koma mér svo í háttinn.
Passið ykkur svo á kommenta ekki, tölvan gæti bitið ykkur þegar þið pikkið á komment takkann...

Ég er bara frekar stolt af mér núna!. Ég fór í 2 stöðupróf í grunnteikningu síðasta föstudag sem gilda 20% af vetrareinkuninni, bæði í 103 og 203 og fékk að vita einkunnirnar í dag og þær hljómuðu uppá 8.6 og 9.6 og svo er ég með 9 í meðaleinkunn fyrir verkefnin sem ég hef skilað í tölvuteikningu þannig að ég er nú bara mjög ánægð með það!
Ótrúlega gott að finna hvað manni gengur vel þegar maður sest á skólabekk eftir 8 ára fjarveru.
Ég er komin í helgarfrí núna, það er frí í skólanum á morgun, föstudaginn og mánudaginn því að kennararnir eru að fara í náms(fyllerís)ferð.

Ég er alveg að klára að ganga frá ferð til köben, er bara að bíða eftir svari hvort að herbergið sem við vorum að spá í sé ekki alveg örugglega laust ennþá þann tíma sem við ætlum að fara.
Kristján var úti um helgina og tók smá upphitun í Fields fyrir mig, og verslaði alveg heilan helling, og ég verð nú að segja að hann hefur góðan fatarsmekk strákurinn, því að fötin sem hann verslaði á Emelíu Ósk eru GEGGJUÐ!!!
Í þessum töluðu orðum var að detta inn email og staðfesting á því að við fáum herbergið þannig að við erum á leiðinni til KÖBEN Í SUMAR

EN það er best að fara að glápa á Imbakassann, extream makeover kvöld í kvöld....

....og rétt upp hönd sem eru sammála mér að Blog.Central síðurnar þurfi almennilegt extream makeover! Er orðin þreytt á þessu glataða looki sem er á þessum síðum...og allt út troðið af auglýsingum...kanski maður fari bara að skipta...

Millý

Fröken Flensa heimsótti þetta heimili með trompi núna í síðustu viku.
Án þess að fara ítarlega í veikindalýsingarnar þá er Emelía Ósk búin að fá: Gubbupest, hita, niðurgang, kvef, eyrnabólgu og lungnabólgu, og allt þetta á einni viku. Hún er búin að vera með hita allan tímann!
Eftir þrjár hringingar á læknavaktina og talað við hjúkrunarfræðinga sem sögðu okkur að hún væri bara með magavírus og flensu sem væri að ganga. þá fórum við mamma með hana á læknavaktina á laugardagskvöldinu eftir eitt svakalegt hóstakast, og þá kom í ljós að hún er með lungnabólgu eftir allt saman og eyrnabólgu!

Ég fór svo að vera lasin á laugardeginum og var hálf ónýt í maganum. Ég sem ætlaði að vera svo dugleg að hjálpa pabba að flísaleggja geymsluna hjá okkur, en ég lá meiripartinn af deginum í rúminu og svoleiðis eru síðust þrír dagar búnir að vera hjá mér.
Mamma og pabbi voru hjá okkur um helgina því ég og pabbi ætluðum að flísaleggja en pabbi greyjið lenti í því að gera þetta mest sjálfur, því lítið gagn var að mér í þessu ástandi.

Kristján er úti í Köben í árshátíð með vinnunni og er ég endalasut fegin að hafa ekki farið með þó að mig hafi mikið langað til þess, því að ég hefði aldrei getað farið frá stelpunni svona veikri.

Mamma og pabbi eru búin að hjálpa mér svo mikið um helgina á meðan kristján var í burtu, og eins og ástandið var nú á mér að ég bara veit ekki hvernig ég get þakkað þeim fyrir alla hjálpina, þvílíku demantarnir sem ég á fyrir foreldra! Það er bara ekki hægt að hugsa sér betra fólk

Annars er Kristján að koma heim í kvöld, hann fer í loftið eftir 3 tíma og verður komin heim um hálf tólf vonandi og ég get ekki beðið eftir að knúsa hann, vá hvað ég sakna hans mikið þó að þetta hafi ekki verið nema 2 nætur sem hann var í burtu. Við höfum ekki verið svona lengi frá hvort öðru síðan við byrjuðum að búa og það eru næstum því 5 og hálft ár síðan!!! Þokkaleg fráhvarfseinkenni í gangi!

Dyrabjöllunni var hringt hjá okkur í dag, eins og svo oft áður, og þá var nágranninn okkar að láta vita að það væri búið að keyra á Toyotuna okkar.
"Gat verið" sagði ég og dreif mig út hin rólegasta og kíkti á bílinn.
Konu greyjið sem keyrði utan í hann var þarna úti alveg miður sín, sagðist hafa ætlað að leggja í stæði, og ekki tekið eftir bílnum og fór utan í hann og rispaði brettið, stuðarann og braut framljósið.
Bíllinn hennar var nú eiginlega verr farinn því að þegar hún tók eftir því að hafa keyrt utan í bílinn okkar, þá ákvað hún að bakka og skrapaði þar með ALLA hliðina á sínum bíl í staðinn.
Æj hvað ég vorkenndi henni greyjinu, ekki gaman að lenda í svona klaufaskap.
Annars finnst mér alveg magnað hvað fólk þarf alltaf að vera að knúsast í bílnum mínum. Ég hef varla tölu á því lengur hversu oft ég hef þurft að fara með hann í sprautun vegna þess að einhver keyrir á hann eða verður fyrir grjótrigningu.

Það allra kjánalegasta atvikið sem við höfum lent í á bílnum var þegar stelpa, nýkomin með bílpróf, var stopp fyrir framan okkur á ljósum, og ætlaði að fara yfir á grænu og skellti í bakkgírinn í staðinn fyrir fyrsta og við sáum bara bílinn koma á fleygi ferð framan á okkur.
Mér finnst að verkstæðin ættu að bjóða uppá heilsprautun á bíl þegar maður kemur með hann í fjórða skiptið í sprautun...svona smá umbun fyrir að redda þeim verkefnum

Annars svona fyrir utan þetta er þvílíkt brainstorm í gangi, mig langar svo að fara að breyta, ENN EINA FERÐINA hérna inni, saga niður veggi og færa til og stækka og bla bla bla.

Ég kíkti til Axels náganna í dag en hann er að snúa öllu við hjá sér og þetta verður þvílíkt flott hjá honum, vá hvað ég öfunda hann að geta gert þetta. Það er víst ekki mikið hægt að gera hérna á neðri hæðinni án þess að hafa áhyggjur af því að fá efri hæðina ofan á sig, það verður að mixa styrktarbita og til að geta breytt einhverju hérna.
Ég er að rembast við að teikna íbúðina upp í AutoCad og gera svo draumabreytingarnar á henni, jafnvel að byggja aðeins við húsið en ég efast nú um að það yrði einhverntíman samþykkt. Allt í lagi að láta sig dreyma samt.

Millý

Núna eru íslendingar að springa úr stolti af strákunum OKKAR því að þeir völtuðu yfir Frakka í gær. Enda líka rosalega flott hjá þeim, maður var alveg að fara yfirum af ánægju

Skólinn gengur vel og er ég sko alveg að fíla mig í þessu, vera að teikna allan daginn, svolítið öðruvísi en maður hefur verið að gera í skóla.
Við í bekknum fórum í vettvangsferð á Batterýið arkitektarstofu í gær. Þar var arkitekt sem tók á móti okkur og kynnti starfsemina fyrir okkur og sýndi okkur stofuna og hvað þeir voru að vinna við. Gaman að sjá hvernig þetta virkar allt samanog fá smá innsýn inn í það sem maður fer að takast á við eftir námið.

Skyndilega hefur dóttir mín fengið svakalegan áhuga á að teikna líka og það fyrsta sem hún vill gera þegar hún kemur heim úr leikskólanum er að príla uppá eldhússtól og ná sér í tréliti og blað og fara að teikna fallegustu listaverk í heimi
Og það er sko ekki nóg að vera með einn lit í hendinni heldur vill hún helst hafa þá alla í einu, og smakka aðeins á þeim líka Svo verður hún ekki sátt við mömmu sína þegar hún bannar henni að borða litina
Hún er farin að tala ótrúlega mikið og syngja og uppáhaldið hennar er Adam átti syni sjö og Allir krakkar, og hún byrjar að syngja þetta alveg sjálf og dansar og hoppar með, bara krútt!

Við fórum á Selfoss síðustu helgi, ég  fór í jarðarförina hans Benna Árna, og ég var algjörlega miður mín eftir hana, þetta var rosalega erfiður dagur, og erfitt að horfa á eftir svona ungum og góðum strák eftir þetta hræðilega slys í ástralíu, og fjölskylda hans hefur alla mína samúð. Ótrúlegt hvað er lagt á sumt fólk.

En jæja , ég verð víst að fara að koma mér að sofa, er búin að vera hátt í klukkutíma með bloggið, er að horfa á Grace Anatomy með öðru auganu og heldur lengi að pikka í leiðinni

Gúd næt
Millý

Fyrsta skólavikan búin og gekk bara mjög vel.
Fyndið hvað maður var spenntur fyrsta skóladaginn, leið eins og 6 ára þegar ég labbaði inn með nesti og nýja tösku og stóran kvíðahút í maganum
Hvernig skyldu kennararnir vera? Fer ég í vitlausa stofu? Dett ég fyrir framan alla í mötuneytinu?
Jább ég er ekki fráþví að ég hafi verið svolítið stressuð, enda 8 ár síðan ég sat síðast á skólabekk.
Ég mætti á miðvikudaginn í grunnteikningu og hlammaði mér aftast í stofuna.
Fremst voru þrír félagar sem þurftu ótrúlega mikið að vera að spjalla saman og gerði kennarinn þeim alveg grein fyrir því strax að þeir skyldu nú halda trantinum á sér lokuðum í tímum framvegis og ekki segja orð.
Hún er svakalega góð þessi kennari, en vá ég er logandi hrædd við hana, það er varla að maður þori að reka við í tímanum án þess að vera skammaður fyrir að fylgjast ekki með og vera með hávaða.
Þessir þrír gaurar voru meira að segja skammaðir fyrir að hjálpa hver öðrum í tímanum, því þeir voru að "tala saman" 

En allavegana þá legst þetta rosalega vel í mig og það er tilhlökkun að mæta í hvern tíma....nema stærðfræði, sem ég skil  hvorki upp né niður í.

En það er víst kominn háttatími, núna verður maður að drullast að sofa um 23 svo að ég nái að koma mér á fætur til að vera mætt í skólann kl 8 (ekki mín sterka hlið að vakna svona snemma )

Millý

Gleðilegt ár!

Vá ég er bara að verða 29 ára, úff bara rúmt ár í þrítugt!!!! og þá eru bara 10 ár í FERTUGT!!!!! OMG ég verð orðin amma áður en ég veit af, tíminn líður svo hratt.

En allavegana það er sko búið að vera MIKIÐ að gerast hjá okkur og best að byrja á byrjuninni.
Jólin komu og við brunuðum austur til mömmu og pabba til að vera hjá þeim á aðfangadag. Þar var svakalegt stuð eins og vanalega enda við systurnar mættar með okkar familíur og endalaust stuð á litlu frænkunum sem kepptust við að leika sér með dótið sem þær fengu í jólagjöf.
á jóladag var svo farið í mat til ömmu í grænumörk, og svo þaðan beint í fjörðinn í mat til möggu ömmu Kristjáns og Emelíu Óskar, og svo á annan í jólum var annað matarboð hjá Kristjáns familíu í Grafarvoginum. Semsagt, allir saddir um jólin.

Um áramótin vorum við svo uppí Klukkubergi og vorum þar í svakalegu partýi og flottum mat, 24 manns í mat. Svo var auðvitað horft á skaupið og raketturnar og litla skottan svaf allan hávaðann af sér.

Í gær var síðasti dagurinn minn í vinnunni, í bili, því ég ákvað að skella mér á skólabekk. Er alveg endalaust ánægð með mig að hafa drifið mig af stað. Skellti mér að læra tækniteiknun og stefni á að klára þetta á 3-4 önnum. (líklega verða þær nú 4 annirnar) Ég var rosalega heppin með stundartöfluna og ég vona að ég þurfi ekki að breyta henni neitt.

Emelía Ósk er búin að stækka þvílíkt mikið og þroskast og er farin að tala alveg helling. hún er auðvitað sætasta og yndislegasta barn veraldar Hún er algjör prakkari, og þeim mun meiri dúllan

En jæja þetta er orðið gott í bili, Kristján var að koma heim og ég ætla að fara að sníkja tásunudd

Millý

Magnað hvað tíminn er fljótur að líða.
Ég er ekki alveg búin með allt en það á eftir að pakka inn nokkrum gjöfum og skreyta jólatréð og ganga smá frá drasli og þá erum við reddí.

Við verðum með minni familíu um jólin og ég get ekki beðið eftir að fá hamborgarhrygginn hennar mömmu, er orðin voðalega spennt eitthvað. Mér líður eins og litlum krakka núna, líklega af því að ég er með barn núna sem hefur vit á pökkum og verður ábyggilega til í tuskið á morgun þegar pakkarnir koma undir tréð. Spurning hvort hún reyni að stinga sér í pakkaflóðið eins og ég reyndi þegar ég var lítil. Pabbi greip mig í loftinu þegar ég var á leiðinni í pakkahrúguna.

Svo verður bara átveisla á öllum stöðum yfir jólin, sleppti reyndar skötuveislu í dag þar sem ég hafði fengið skötu á leikskólanum í fyrradag en fékk algjört ógeð á lyktinni sem festist í öllum fötum og ákvað ég að koma ekki nálægt skötuveislum í dag.

En svo er ýmislegt annað að gerast. Emelía Ósk verður 18 mánaða á morgun og svo er ég að fara að taka stórt stökk  og drífa mig á skólabekk aftur eftir áramótin.
Í þetta sinn verður það fullur skóli en ekki fjarnám og er ég þá að hætta að vinna á leikskólanum og sest á skólabekk. Er orðin svakalega spennt en samt pínu stressuð líka, vona að þetta gangi allt upp með stundartöfluna og leikskólann hjá Emelíu, Vil ekki þurfa að hafa hana allan daginn á leikskólanum alla dagana.

En jæja ég er farin að klára að taka til, ætla að ná að vera í algjörri slökun á morgun, ekkert stress

Gleðileg jól og farið vel með ykkur yfir jólin og flýtið ykkur hægt.
Millý

Tíminn flýgur áfram og jólin koma eftir korter...eða svo...
Ég er búin að vera veik heima í dag, fékk einhverja pestardruslu og er búin að vera eins og drusla í dag, er m.a ennþá á náttbuxunum og klukkan er að verða 21:20.
Þrátt fyrir að vera liggjandi í bælinu og geta lítið gert er ég búin að hafa nóg að gera að hugsa um dóttur mína sem er búin að fara á kostum í dag. Gat ekki sent hana á leikskólann því ég hafði engann til að sækja hana fyrir mig í dag.

Hún líkist mömmu sinni og rústaði svefnherberginu sínu á 2 mínútum og ég ákvað að skerast í leikinn og stoppa þessa innrás í herbergið þegar hún var búin að  tæta allt af stóra baststólnum sem var þarna inni og búin að príla upp í hann og byrjuð að dansa stríðsdans, hoppandi og gólandi og hló bara að mér þegar ég reyndi að banna henni það. Það endaði með því að ég þurfti að fjarlægja stólinn úr herberginu við litla kátínu dóttur minnar, hún var sko ekki sátt við að mamman væri að taka nýja skemmtilega leiktækið úr herberginu.
Þá var stefnan bara tekin á stofuborðið eins og fyrri daginn og ca 83 tilraunir gerðar við að fara upp á borð og halda stríðsdansinum áfram en mamma gamla stoppaði það líka af. Aldrei má maður neitt!

Mér tókst að hrynja niður í stiganum í morgun.
Uppgötvaði kl 6 í morgun að ég hafði gleymt að setja fötin mín í þurrkarann og ákvað að drífa mig niður í þvottahús og skella þeim í þurrkarann. Það var auðvitað kolniða mirkur og þegar ég fer niður stigann og ætla að stíga úr neðstu tröppunni niður á gólf, þá misreiknaði ég mig ( það var ein trappa eftir) Ég auðvitað hendist framfyrir mig en rétt næ taki á stönginni á stiganum og skell utan í vegginn. FLOTT HJÁ MÉR!
Brákaði ábyggilega á mér litlu tánna AFTUR og er hún stokkbólgin, blá og marin eftir þessa ferð.
Spurning um að fara að færa raflagnir í herberginu þannig að maður geti kveikt ljósið við stigann en að þurfa ekki að labba í gegnum allt herbergið til að kveikja ljós.
Auglýsi hér með eftir rafvirkja :haha

Millý blátá